Natalia Raña
| Biografía | |
|---|---|
| Nacemento | 15 de marzo de 1978  (46 anos)Ordes, España |
| Actividade | |
| Ocupación | triatleta, ciclista (pt)  |
| Deporte | tríatlon |
| Familia | |
| Irmáns | Iván Raña |
Natalia Raña Fuentes, nada en Ordes o 15 de marzo de 1978, é unha deportista galega.
Ten competido en numerosas disciplinas, entre elas natación, atletismo, ciclismo, dúatlon e tríatlon, chegando a participar na Copa do Mundo de Tríatlon e en Ironman. É irmá do campión do mundo de tríatlon Iván Raña.
Traxectoria
[editar | editar a fonte]Comezou na natación en Santiago de Compostela, adestrando no Club Natación Santiago, xunto ao seu irmán máis novo Iván.[1][2] A mediados dos anos 90 gañou xa varias carreiras pedestres como a Carreira Popular do Barbanza de 1994 ou a pedestre de Neda do mesmo ano,[3][4] e por influencia de seu irmán comezou a competir en tríatlon, logrando tamén varias vitorias en Galicia.[5][6]
En 1996 proclamouse campioa galega de tríatlon despois de lograr a vitoria en varias probas, e revalidou o título ao ano seguinte.[7][8][9][10][11] No ano 1998 proclamouse subcampioa de España júnior, mentres que ao ano seguinte quedou terceira e sétima absoluta. En 1999 disputou o seu primeiro tríatlon internacional, nunha proba da Copa de Europa en Graus, competición que seguiu disputando durante os seguintes anos, destacando o oitavo posto absoluto en Alanya (Turquía) en 2001 e a medalla de bronce nos Azores no 2002.[12] Tamén en 2002 disputou as súas primeiras probas da Copa do Mundo, en Tiszaujvaros (Hungría) e Niza.[13]
En 2003 conquistou co equipo galego o Campionato de España por Autonomías,[14] e en 2004, despois de proclamarse campioa universitaria de España, gañou co equipo español o Campionato do Mundo Universitario de Tríatlon, mentres que quedou décima na proba individual.[13] Tamén ese ano proclamouse campioa galega de dúatlon e subcampioa de España de Ácuatlon.[15][16]
En abril de 2005 foi a primeira galega en gañar a media maratón Vig-Bay. entre Vigo e Baiona, cun tempo de 1:21:10.[17] Un mes despois na Coruña proclamouse subcampioa galega de 10.000 metros.[18] En 2009 gañou co Ría Ferrol a medalla de ouro en 3.000 metros no Campionato Galego de Clubs celebrado en Vigo.[19]
En 2009 gañou por diante de Saleta Castro o Tríatlon Cidade de Pontevedra, disputado na modalidade de cros,[20] e en 2011 quedou terceira no Campionato de España de Dúatlon e participou no Campionato do Mundo de Tríatlon Cross, obtendo o 14º posto.[21][22] Ademais, instalada en Madrid,[23] proclamouse tamén campioa da Comunidade de Madrid de tríatlon, subcampioa galega de campo a través e cuarta no Campionato de España de Ácuatlon.[24][25] [26] En 2012 gañou co seu equipo, o C.T. Diablillos de Rivas, a Copa do Rei de Tríatlon.[27]
Pasou logo ao tríatlon de longa distancia e en 2013 competiu no Ironman de Lanzarote, quedando en 24ª posición.[28] En 2020 competiu no Campionato de España de Ciclocross, logrando a medalla de ouro na categoría de -40.[29]
Notas
[editar | editar a fonte]- ↑ "Entrevista a Natalia Raña" (en castelán). 27 de xullo de 2015. Consultado o 8 de abril de 2020.
- ↑ "El Club Natación Santiago está preparado para los nuevos éxitos". La Voz de Galicia (en castelán). 9 de novembro de 1995. p. 57.
- ↑ "La Popular do Barbanza tuvo color local en las categorías inferiores". La Voz de Galicia (en castelán) (Barbanza ed.). 9 de xuño de 1994. p. 52.
- ↑ "Miguel Mayan, del New Balance, se adjudicó la pedestre de Neda". La Voz de Galicia (en castelán) (Ferrol ed.). 16 de xuño de 1994. p. 49.
- ↑ "Xabier Isasti y Natalia Raña ganaron el triatlón del INEF". La Voz de Galicia (en castelán). 22 de maio de 1995. p. 57.
- ↑ "Javier Isasti ganó el trofeo Fiestas del Rosario". La Voz de Galicia (en castelán). 2 de outubro de 1995. p. 54.
- ↑ "Comenzaron los campeonatos gallegos". La Voz de Galicia (en castelán). 20 de xuño de 1996. p. 59.
- ↑ "La emoción duró hasta el final en la quinta edición del triatlon de Celeiro". La Voz de Galicia (Lugo ed.). 14 de xullo de 1996. p. 48.
- ↑ "Cuarto edición del Triatlón Concello de Oleiros". La Voz de Galicia (en castelán). 10 de setembro de 1996. p. 54.
- ↑ "Marcial Romero ganó el Duatlón Universidad de Vigo". La Voz de Galicia (en castelán). 24 de xuño de 1997. p. 65.
- ↑ "Caión acogerá el sábado la prueba gallega de triatlón". La Voz de Galicia (en castelán) (Carballo ed.). 9 de xullo de 1998. p. 44.
- ↑ "Clasificación Praia de Vitoria de 2002". triathlon.org (en inglés). Consultado o 13 de novembro de 2020.
- ↑ 13,0 13,1 "Resultados internacionais de Natalia Raña". triathlon.org (en inglés). Consultado o 13 de novembro de 2020.
- ↑ "Galicia se confirma como una de las potencias de triatlón". La Voz de Galicia (en castelán). 7 de xullo de 2003. p. 35.
- ↑ "Jorge López y Natalia Raña conquistaron el Campeonato Gallego". La Voz de Galicia (en castelán). 2 de maio de 2004. Consultado o 13 de novembro de 2020.
- ↑ "Histórico Campionato de España de Ácuatlon" (PDF). triatlon.org (en castelán). Arquivado dende o orixinal (PDF) o 28 de setembro de 2018. Consultado o 13 de novembro de 2020.
- ↑ "Pablo Korir se proclama ganador de la Vig-Bay". La Voz de Galicia (en castelán) (Vigo ed.). 11 de abril de 2005. p. 52.
- ↑ "Jesús de la Fuente, campeón gallego en 5.000 metros". La Voz de Galicia (en castelán). 15 de maio de 2005. p. 50.
- ↑ Campionato Galego Absoluto de Clubs
- ↑ "Raña arrebata a Saleta Castro el Cidade de Pontevedra". La Voz de Galicia (en castelán) (Pontevedra ed.). 17 de agosto de 2009. p. 45.
- ↑ "Salió todo perfecto en el fin de semana del Campeonato de España de Duatlón de Soria" (en castelán). 19 de abril de 2011. Consultado o 13 de novembro de 2020.
- ↑ "Clasificación feminina tríatlon cross Extremadura 2011". triathlon.org (en inglés). Consultado o 13 de novembro de 2020.
- ↑ "Entrevista a Natalia Raña" (en castelán). 27 de xullo de 2015. Consultado o 13 de novembro de 2020.
- ↑ "Jose Almagro y Natalia Raña Campeones de la copa Comunidad de Madrid de Duatlón de 2011" (en castelán). 27 de outubro de 2011. Consultado o 13 de novembro de 2020.
- ↑ "Lugo brilla en el Gallego de campo a través". El Progreso (en s). 31 de xaneiro de 2011. Consultado o 13 de novembro de 2020.
- ↑ "Gómez Noya gana el Campeonato de España de Acuatlón". La Voz de Galicia (en castelán). 4 de xullo de 2011. p. 40.
- ↑ "El club Diablillos de Rivas vence en la Copa del Rey de triatlóncopa-del-rey-de-triatlon/" (en castelán). 9 de xullo de 2012. Consultado o 13 de novembro de 2020.
- ↑ "Clasificación Ironman Lanzarote 2013" (PDF). clublasanta.com. Arquivado dende o orixinal (PDF) o 13 de novembro de 2020. Consultado o 13 de novembro de 2020.
- ↑ "Estreno "de oro" para Galicia en el Campeonato de España de Ciclocross". Pontevedra Viva (en s). 11 de xaneiro de 2020. Consultado o 13 de novembro de 2020.
Véxase tamén
[editar | editar a fonte]Ligazóns externas
[editar | editar a fonte]- Perfil de Natalia Raña Arquivado 05 de novembro de 2022 en Wayback Machine. na web da Real Federación Española de Atletismo (en castelán).
